Siyasət

Deputat: "Prezident "Valday"da beynəlxalq ictimaiyyət qarşısında erməni yalanını ifşa etdi"

5 Oktyabr 2019 11:25

Baxış: 650

#SİYASƏT #DAĞLIQ QARABAĞ MÜNAQİŞƏSİ

"Prezident İlham Əliyevin oktyabrın 3-də Rusiyanın Soçi şəhərində "Valday" Beynəlxalq Diskussiya Klubunun XVI illik iclasının plenar sessiyasında Dağlıq Qarabağla bağlı çıxışı həm Ermənistana, həm də onun havadarlarına çox ciddi bir mesaj idi".

Milli.Az xəbər verir ki, bunu Trend-ə açıqlamasında millət vəkili, AMEA akad. Z.M.Bünyadov adına Şərqşünaslıq İnstitutunun direktoru, akademik Gövhər Baxşəliyeva deyib.

G.Baxşəliyeva bildirib ki, Prezident bu çıxışında Dağlıq Qarabağla bağlı qəti mövqeyini, Azərbaycanın bir qarış belə torpağını güzəştə getməyəcəyini bir daha beynəlxalq ictimaiyyətin diqqətinə çatdırdı:

"Cənab Prezident beynəlxalq ictimaiyyət qarşısında erməni yalanını ifşa etdi və Ermənistan baş nazirinin sərsəm bəyanatlarına çox tutarlı cavab verdi, onun yalanını üzə çıxardı.

Prezident İlham Əliyev öz çıxışında Ermənistan baş nazirinin bir sıra populist, avanturist bəyanatlarına diqqəti cəlb etdi və vurğuladı ki, Paşinyanın Dağlıq Qarabağla bağlı mövqeyi tamamilə yalandır. Dağlıq Qarabağ heç bir zaman Ermənistanın tərkibində olmayıb, Dağlıq Qarabağ Azərbaycanın ayrılmaz hissəsidir, bizim qədim və hüquqi ərazimizdir. Cənab Prezident "Dağlıq Qarabağ Azərbaycandır və nida işarəsi" sözlərini deməklə bir daha qətiyyətli və sərt mövqeyini ortaya qoydu".

Milli.Az