Siyasət

ABŞ Bakıda Ümumdünya Turizm Təşkilatının sıralarına yenidən qayıdacağını bəyan etdi

18 İyun 2019 15:27
0 Şərh     Baxış: 405

Bakıda keçirilən Ümumdünya Turizm Təşkilatının İcraiyyə Şurasının 110-cu sessiyasında dünyanın 5 qitəsindən 40 ölkənin nümayəndələri iştirak edib.

Milli.Az Trend-ə istinadən xəbər verir ki, bunu 16-18 iyun tarixlərində Bakıda keçirilən Ümumdünya Turizm Təşkilatının İcraiyyə Şurasının 110-cu sessiyasının yekunları ilə bağlı keçirilən mətbuat konfransında Ümumdünya Turizm Təşkilatının baş katibi Zurab Pololikaşvili söyləyib.

Ümumdünya Turizm Təşkilatının baş katibi deyib ki, tədbir iştirakçılara Azərbaycanda qalmağı, mədəniyyəti ilə tanış olmağı, mətbəxini dadmağı tövsiyə edib: "Azərbaycan neft istehsal edən dövlət kimi bu potensialı ölkənin turizm məkanına çevrilməsi üçün istifadə edib. Azərbaycan daha böyük beynəlxalq tədbirləri keçirməyə hazırdır".

Z.Pololikaşvili qeyd edib ki, Bakıda keçirilən tədbirə ABŞ-dan böyük nümayəndə heyəti qatılıb: "23 il əvvəl ABŞ Ümumdünya Turizm Təşkilatını tərk edib, nümayəndə heyəti təmsil etdiyi ölkənin Ümumdünya Turizm Təşkilatına qayıdacağını elan etdi. Bizim ABŞ-ın dəstəyinə böyük ehtiyacımız var".

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.