Siyasət

Qarabağ generalları Paşinyanı devirmək üçün and içib

23 May 2019 23:59
0 Şərh     Baxış: 1 686

Ermənistanın "Jamanak" qəzeti qondarma Dağlıq Qarabağ Respublikasının general və oliqarxlarının baş nazir Nikol Paşinyanı devirmək  üçün əlbir olduğunu yazıb. Qəzet bildirib ki, bu barədə danışıqlar Ermənistanın ən məşhur oliqarxlarından birinin iqamətgahında baş tutub. Görüşü Ermənistanın keçmiş müdafiə naziri Samvel Karapetyanın təşkil etdiyi bildirilir.

Milli.Az oxu.az-a istinadən bildirir ki, görüş iştirakçıları arasında məşhur biznesmen Samvel Aleksanyan da olub. Onların Paşinyanı devirmək üçün əllərindən gələni əsirgəməməyə dair and içdiyi  bildirilir.

Xəbər çıxdıqdan az sonra Samvel Aleksanyan bu sövdələşmədə iştirak etmədiyini bəyan edib.

Ermənistanın Təhlükəsizlik Şurasının katibi Armen Qriqoryan material dərc olunan gün bildirib ki, hakimiyyət müxalifətçi qüvvələrin xain planlar qurmasından şübhələnir. Lakin o bu barədə çox açıq danışmamağı məsləhət bilib.

Qriqoryan bu işdə daxili və xarici qüvvələrin əlbir olduğunu söyləyib.

Qeyd edək ki, Ermənistan hakimiyyəti ilə Dağlıq Qarabağ separatçıları arasında uzun müddətdir davam edən fikir ayrılığı getdikcə dərinləşir. Paşinyan separatçıların lideri Bako Saakyanı xəbərdar etsə də, Bako Saakyanın yaxın ətrafındakılar Paşinyana və Ermənistan hakimiyyətinin digər üzvlərinə qarşı tənqidlərini dayandırmırlar.

Milli.Az

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.