Siyasət

"Mənim fikirlərimi bilərəkdən başqa istiqamətə yönəltməyə çalışırlar" - Aydın Hüseynov

13 Mart 2019 16:45

Baxış: 1 150

#MİLLƏT VƏKİLİ

Milli Məclisin deputatı Aydın Hüseynov Milli Məclisin Aqrar siyasət komitəsinin bu gün keçirilən iclasında şirin su mənbələrinin, meşələrin qorunub saxlanması ilə bağlı fikirlərini səsləndirib.

Milli.Az xəbər verir ki, A.Hüseynov Trend-ə açıqlamasında deyib ki, o, dərələrin qurumaması üçün şirin su mənbələrindən səmərəli istifadə edilməsi ilə bağlı öz fikirlərini bildirib:

"Lakin yenidən şou yaradanlar, Azərabaycan ziyalılarını, deputatları nüfuzdan salmağa çalışanlar mənim fikirlərimi bilərəkdən başqa istiqamətə yönəltməyə çalışırlar. Guya mən bulaq suyundan istifadənin qadağan edilməsini təklif etmişəm. Burada söhbət şirin suların, bulaqların qorunub saxlanması, dərələrin qurumasının qarşısının alınmasından gedir. Mən bildirmişəm ki, dərələrin qurumasının qarşısının alınması, şirin su mənbələrinin qorunması məqsədilə bu mənbələrdən səmərəli istifadə olunsun".

Milli.Az