Siyasət

Birinci vitse-prezident Mehriban Əliyeva ötən gün olduğu uşaq müəssisələrində azyaşlıların qayğısına qalan hər kəsə təşəkkürünü bildirib

12 Fevral 2019 13:38
Baxış: 793

Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyeva fevralın 11-də Bakının Nərimanov rayonundakı Uşaq Psixonevroloji Mərkəzi, Nəsimi rayonundakı 1 nömrəli körpələr evi və 268 nömrəli xüsusi məktəbdə olub, uşaqlarla görüşdükdən sonra həmin müəssisələrdə azyaşlıların qayğısına qalan hər kəsə təşəkkürünü bildirib.

Milli.Az Trend-ə istinadən bildirir ki, bu barədə Azərbaycanın Birinci vitse-prezidenti Mehriban Əliyevanın rəsmi "İnstagram" səhifəsində yazılıb:

"Valideyn himayəsindən məhrum olmuş, müxtəlif xəstəliklərdən əziyyət çəkən uşaqlardan qayğı və məhəbbətini əsirgəməyən həkimlərə, müəllimlərə, tibbi heyətə və hər kəsə dərin minnətdarlığımı bildirirəm. Səmimiyyət, şəfqət və sevgi onlara hava kimi lazımdır. Laqeyd yanaşmayan hər kəsə təşəkkür edirəm".

https://www.instagram.com/p/BtwGLZYAqdj/?utm_source=ig_share_sheet&igshid=1d7ng1ip9psdm

Milli.Az

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.