Siyasət

Konsulluqda şaqqalanmış jurnalistə görə "hədiyyə": 75 milyard dollar

19 Oktyabr 2018 13:08

4 Şərh Baxış: 6 465

#DÜNYADA #SƏUDİYYƏ ƏRƏBİSTANI

Oktyabrın 2-də Səudiyyə Ərəbistanının İstanbuldakı baş konsulluğunda xüsusi amansızlıqla qətlə yetirilmiş səudi jurnalist Camal Haşoqqinin cəsədinin qalıqları şəhər kənarındakı meşəlikdə axtarılır.

Milli.Az bildirir ki, Türkiyə mediasında yer alan məlumatlara görə, 59 yaşlı jurnalistin konsulluqda qətlə yetiriləndən və cəsədi şaqqalanandan sonra çamadanlarla İstanbul ətrafındakı meşəliyə aparılıb orada basdırıldığı güman olunur.

Hazırda Yalovada və Belqrad meşəsində polis axtarışlar aparır.

Bu arada bəlli olub ki, Səudiyyə Ərəbistanının hakimiyyət dairələri Türkiyəyə C.Haşoqqinin qətli ilə bağlı olaylarda "daha yumşaq mövqe" tutmaq üçün 25 milyard dollar təklif ediblər. Həmin məbləğ "təmənnasız, qardaş hədiyyəsi" kimi təqdim olunur.

ABŞ ilə 110 milyard dollarlıq hərbi texnika və silah anlaşması imzalamış Səudiyyə Əərbistanı amerikalılara əlavə olaraq 50 milyard dollarlıq silah sifariş verməyə hazırlaşır. Rəsmi Ər-Riyad bu minvalla Haşoqqinin qətlinə Vaşinqtonun reaksiyasını yumşaltmağa çalışır.

Milli.Az