Siyasət

Andrey Şenin: "Azərbaycan Cənubi Qafqaz regionunda ABŞ üçün strateji cəhətdən vacib tərəfdaşdır"

13 Oktyabr 2018 14:29
Baxış: 839

"ABŞ prezidentinin milli təhlükəsizlik müşaviri Con Boltonun Cənubi Qafqaz regionuna, xüsusilə də Azərbaycana planlaşdırılan səfəri ABŞ tərəfinin bu strateji vacib regiona marağını təsdiq edir".

Milli.Az xəbər verir ki, bunu Trend-ə Qumilyov adına Avrasiya Milli Universitetinin regionşünaslıq kafedrasının professoru, amerikaşünas ekspert Andrey Şenin deyib.

A.Şeninin sözlərinə görə, səfər gündəliyinin əsas bəndləri Əfqanıstan və enerji məsələləri olacaq:

"Bunlar regionda ABŞ üçün prinsipial cəhətdən vacibdir. Əfqanıstanla bağlı Bolton yüklərin Xəzər limanları vasitəsilə nəqli barədə razılaşmaları müzakirə edəcək, enerji ilə bağlı isə böyük ehtimalla, söhbət reallaşan ayrı-ayrı biznes layihələrdən, eləcə də cari məsələlərdən gedəcək".

Azərbaycana gəldikdə isə, ekspert bildirib ki, hazırda ABŞ bu ölkəni regionda vacib strateji tərəfdaş qismində görür:

"Azərbaycan vasitəsilə Əfqanıstandakı ABŞ qoşunlarına böyük həcmdə yardım gedəcək, eyni zamanda TAP, TANAP magistral boru kəmərlərini unutmamalıyıq. Transadriatik boru kəmərinin reallaşdırılması ABŞ üçün prioritet məsələdir".

Milli.Az

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.