Siyasət

Ünvanlı sosial yardım müzakirə ediləcək - MİLLİ MƏCLİSDƏ

11 Avqust 2018 09:37

0 Şərh Baxış: 2 508

#CƏMİYYƏT #MİLLİ MƏCLİS #SOSİUM

Milli Məclisin (MM) Əmək və sosial siyasət komitəsi ilə Əmək və Əhalinin Sosial Müdafiəsi Nazirliyinin birgə ictimai dinləmələr təşkil etməsi nəzərdə tutulur.

Milli.Az bildirir ki, Oxu.az-ın MM-dən əldə etdiyi məlumata görə, dinləmələrin parlamentin qarşıdan gələn 2018-ci il payız sessiyası ərəfəsində, sentyabr ayında keçirilməsi planlaşdırılır.

Qeyd olunur ki, dinləmələrin keçirilməsi təşəbbüsü parlamentin müvafiq komitəsindən gəlib və nazirlikdən bununla bağlı ilkin razılıq verilib.

Dinləmələrin keçirilməsində məqsəd əlilliyin müəyyənləşdirilməsində üzə çıxan və cəmiyyəti narahat edən problemlərin, o cümlədən, ünvanlı sosial yardımların verilməsi prosedurundakı çatışmazlıqların birgə müzakirə olunmasıdır.

Bildirilir ki, hər iki məsələ ilə bağlı müzakirələrin, dinləmələrin yekunu olaraq, qanunvericiliyin koordinasiyalı şəkildə təkmilləşdirilməsi yönündə addımların atılması gözlənilir. Yəni, hər iki qanunun yenilənməsi nəzərdə tutulur.

Milli.Az