Siyasət

"Cənub Qaz Dəhlizi" Avropanın enerji bazarlarının dayanıqlılığını artıracaq - ABŞ Dövlət Departamenti

14 İyun 2018 08:03
Baxış: 408

Azərbaycan qazının Avropaya nəqlini nəzərdə tutan "Cənub Qaz Dəhlizi" layihəsi qitənin enerji bazarlarının dayanıqlılığını artıracaq.

Milli.Az xəbər verir ki, bu barədə Trend-ə ABŞ Dövlət Departamentindən bildiriblər.

Departamentdən deyiblər ki, bu layihə Avropanın enerji bazarlarının dayanıqlılığını yüksəldəcək və qaz idxalı üzrə bir mənbədən asılılığı azaldacaq.

Qeyd olunub ki, "Cənub Qaz Dəhlizi" Avropanın enerji təhlükəsizliyi üçün həyati əhəmiyyət kəsb edir:

"Belə ki, bu boru kəməri qitəyə yeni marşrutla keçməklə Avropaya tamamilə yeni qaz mənbəyi təqdim edəcək".

Xatırladaq ki, mayın 29-da Bakıda "Cənub Qaz Dəhlizi"nin birinci mərhələsinin istismara verilməsi mərasimi keçirilib.

Milli.Az

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.