Siyasət

Qarabağda irimiqyaslı müharibə gözlənilir - ABŞ Kəşfiyyatı

13 Fevral 2018 23:33
0 Şərh     Baxış: 2 726

Azərbaycan və Ermənistan arasındakı gərginlik 2018-ci ildə Dağlıq Qarabağda müharibəyə səbəb ola bilər.

Milli.Az oxu.az-a istinadən bildirir ki, bu cür xəbərdarlıqla ABŞ-ın Milli Kəşfiyyat direktoru Daniel Kouts çıxış edib.

"Hazırda Dağlıq Qarabağ ətrafında baş verən hadisələr, Azərbaycanla Ermənistan arasında hərbi münaqişəyə çevrilə bilər. Bu münaqişəyə isə, öz regional tərəfdaşını dəstəkləmək məqsədi ilə Rusiya qoşula bilər".

Sənəddə 2018-ci il ərzində ABŞ üçün yarana biləcək milli təhlükəsizlik təhdidləri nəzərdən keçirilir. Məruzənin Qarabağa həsr edilmiş hissəsində göstərilir ki, tərəflərin "kompromislərə getmək arzusunun olmaması", kənardan təzyiqlər, Azərbaycanın həyata keçirdiyi stabil hərbi modernləşmə, Ermənistanın Rusiyadan yeni silahlar alması 2018-ci ildə irimiqyaslı hərbi əməliyyatlara gətirib çıxara bilər.

Məruzəyə əsasən Kreml keçmiş sovet respublikalarının ərazisində öz təsir imkanlarını daha da genişləndirəcək. Bu məqsədlə "aqressiv və opportunist xarici siyasət" yürüdüləcək.

Milli.Az

Digər maraqlı xəbərlər Milli.Az-ın Facebook səhifəsində

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.