Siyasət

"Azərbaycanla Aİ arasında hərtərəfli razılaşmanın hazırlanması istiqamətində iş davam etdirilir"

18 Dekabr 2017 12:24
Baxış: 450

Azərbaycanla Avropa İttifaqı (Aİ) arasında dinamik və səmərəli əməkdaşlıq mövcuddur.

Milli.Az Trend-ə istinadən xəbər verir ki, bunu Aİ-nin Azərbaycandakı nümayəndəliyinin rəhbəri Kestutis Yankauskas Beynəlxalq Miqrant Günü ilə bağlı Bakıda keçirilən tədbirdə deyib.

O qeyd edib ki, bu əməkdaşlığa misal olaraq bu yaxınlarda Brüsseldə keçirilən Şərq Tərəfdaşlığı sammitini göstərmək olar.

Səfir bildirib ki, Azərbaycanla Aİ arasında hərtərəfli razılaşmanın hazırlanması istiqamətində işlər aparılır.

K.Yankauskas əlavə edib ki, Avropa İttifaqı Azərbaycan Dövlət Miqrasiya Xidməti və digər dövlət strukturları ilə birgə proqramlar həyata keçirir.

Səfir bildirib ki, əlaqələrin daha da genişlənməsi üçün insanların səfəri mühüm əhəmiyyət kəsb edir: "Ona görə də biz istərdik ki, Avropadan Azərbaycana, eləcə də əks istiqamətdə daha çox insan səfər etsin".

Milli.Az

Digər maraqlı xəbərlər Milli.Az-ın Facebook səhifəsində

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.