Siyasət

Natali Qule: "Bu görüş sülh danışıqlarında irəliləyiş üçün ən yaxşı fürsətdir"

16 Oktyabr 2017 09:50
Baxış: 1 548

Azərbaycan və Ermənistan prezidentlərinin Cenevrədə keçiriləcək görüşü - Ermənistan-Azərbaycan, Dağlıq Qarabağ münaqişəsinin həlli ilə bağlı danışıqlarda irəliləyiş üçün ən yaxşı fürsətdir.

Milli.Az xəbər verir ki, bunu Trend-ə fransalı senator, Senatın xarici işlər üzrə komitəsinin sədr müavini Natali Qule deyib.

ATƏT-in Minsk qrupunun ötən dövrdə xüsusilə effektiv olmadığını vurğulayaran senator qeyd edib ki, Cənubi Qafqaz 20 ildən çox müddət ərzində münaqişənin ən şiddətli anını gördükdən sonra ATƏT-in Minsk qrupu yeni təşəbbüs irəli sürüb.

N.Qulenin sözlərinə görə, iki ölkənin vətəndaş cəmiyyətləri uzunmüddətli sülhə nail olmaq üçün birlikdə çalışmalıdırlar: "Sülh təşəbbüsləri insanların özündən irəli gəlməlidir".

Helsinki Komissiyasının dinləmələrinin danışıqlara necə təsir edəcəyini şərh edən N.Qule qeyd edib ki, bu dinləmələr Trampın yeni administrasiyasının münaqişəyə dair mövqeyini görmək üçün imkan ola bilər.

Qeyd edək ki, Azərbaycan və Ermənistan prezidentləri aprel hadisələrindən sonra 2 dəfə görüşüblər. Vyanada və Sankt-Peterburqdakı görüşlər münaqişənin həlli üçün müsbət siqnal sayılırdı. Ancaq Ermənistan tərəfi cəbhə xəttində təxribatlar davam etdirərək yenə də sülh ümidlərini puç etdi.

Helsinki Komissiyasına ABŞ-da erməni lobbisi ilə sıx münasibətdə olan Kris Smit rəhbərlik edir. K.Smit, həmçinin, daha əvvəl ABŞ Konqresinin Helsinki Komissiyasına təqdim etdiyi antiazərbaycan qanunu layihəsinin təşəbbüskarı olub.

Milli.Az

Digər maraqlı xəbərlər Milli.Az-ın Facebook səhifəsində

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.