Siyasət

Bakı və Təbriz arasında avtomobil yarışları təşkil edilə bilər

15 Avqust 2017 14:29
Baxış: 1 785

Avqustun 14-də mədəniyyət və turizm nazirinin müavini Nazim Səmədov İranın Turlar və Avtomobil Nəqliyyatı Təşkilatının prezidenti Morteza Hacının başçılıq etdiyi nümayəndə heyəti ilə görüşüb.

Milli.Az Trend-ə istinadən xəbər verir ki, İranın nümayəndə heyəti İran İslam Respublikasının Azərbaycandakı səfirliyinin ticarət attaşesi Məhəmməd İbrahimi və digər nümayəndələrdən ibarət olub.

Görüş zamanı hər iki ölkədə turizm təqdimatlarının keçirilməsi, turizm sahəsində əməkdaşlığın genişləndirilməsi məqsədilə Bakı və Təbriz arasında avtomobil yarışlarının təşkili, sərhəd keçmə prosedurlarının asanlaşdırılması, sağlamlıq turizmi sahəsində əməkdaşlıq və digər məsələlər müzakirə edilib.

Qeyd edək ki, Turlar və Avtomobil Nəqliyyatı Təşkilatı İranda avtomobil nəqliyyatı ilə səyahətlərin təşkilinə və nəqliyyat vasitələrinə müvafiq icazələrin rəsmiləşdirilməsinə cavabdeh qurumdur.

Milli.Az

Digər maraqlı xəbərlər Milli.Az-ın Facebook səhifəsində

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.