Siyasət

Dilqəm Əsgərov və Şahbaz Quliyevin məsələsi AŞPA-nın sessiyasında qaldırıldı

30 İyun 2017 15:51
1 Şərh     Baxış: 2 136

Millət vəkili Qənirə Paşayeva Avropa Şurası Parlament Assambleyasının (AŞPA) sessiyasında Ermənistan silahlı qüvvələri tərəfindən girov götürülən və ermənilərin işğalı altında olan Azərbaycanın Şuşa şəhərində saxlanılan Dilqəm Əsgərov və Şahbaz Quliyevin azad olunması ilə bağlı məsələ qaldırıb.

Milli.Az Trend-ə istinadən bildirir ki, AŞPA-da çıxış edən deputat D.Əsgərov və Ş.Quliyevin azad olunması üçün qurumu Ermənistana təzyiq göstərməyə çağırıb və işğalçı Ermənistanın nümayəndə heyətinin AŞPA-da səsvermə hüququnun dayandırılmasını tələb edib.

Q.Paşayeva D.Əsgərov və Ş.Quliyevin hələ də girovluqdan azad edilməməsi məsələsinə xüsusi diqqət ayırıb və AŞPA-nı onların azad olunması istiqamətində səylərini artırmağa çağırıb: "Çıxışıma Avropa Şurasının baş katibi Torbyorn Yaqlanda azərbaycanlı girovlar Dilqəm Əsgərov və Şahbaz Quliyevin azad edilməsi istiqamətində verdiyi açıqlamalara görə təşəkkür edərək başlamaq istəyirəm. Amma təəssüf ki, Azərbaycan dövlətinin səylərinə, T.Yaqlandın açıqlamalarına baxmayaraq Dilqəm Əsgərov və Şahbaz Quliyevin azadlığa buraxılması istiqamətində irəliləyiş yoxdur. Ermənistan dövləti azərbaycanlı Dilqəm Əsgərov və Şahbaz Quliyevi girov saxlamaqda davam edir. Onlara əziyyət verilir və sağlamlıqları ilə bağlı narahatlıq var. Bu insanların günahı yoxdur. Onlar sadəcə, köçkün düşdükləri evlərini, atalarının, ailə üzvlərinin, yaxınlarının məzarlarını ziyarətə gediblər. Bu insanlara tutulduqları gündən ermənilər zülm edirlər".

Deputat bildirib ki, D.Əsgərov və Ş.Quliyevin ailəsi və yaxınları onların qısa zamanda azad edilməsi üçün AŞPA-dan bu istiqamətdə daha böyük səylər gözləyirlər: "Mən Assambleyanı insanlıqdan kənar, bu qeyri-qanuni əməllərinə son verməsi üçün Ermənistan dövlətinə, hökumətinə ciddi etiraz etməyə, Dilqəm Əsgərov və Şahbaz Quliyevin azad olunması üçün Ermənistana təzyiq göstərməyə çağırıram. Biz AŞPA-dan bu girovların azad olunması üçün ciddi dəstək gözləyirik. Ermənistan işğal etdiyi Azərbaycan torpaqlarını azad etməyə çağıran AŞPA-nın 1416 saylı qətnaməsinin həyata keçirilməsi istiqamətində heç bir addım atmır. Ermənistan bir neçə ay əvvəl Sərsəng su anbarı ətrafında müzakirələr zamanı qəbul edilən qətnamənin həyata keçirilməsi istiqamətində də heç bir addım atmır. AŞPA-da alınan bu qərarların həyata keçirilməməsi və Ermənistan tərəfindən onlara məhəl qoyulmaması bölgədəki gərginliyi daha da artırır. Bölgədəki gərginliyin azalması üçün AŞPA-nın qəbul etdiyi qərarların həyata keçirilməsi istiqamətində Ermənistana təqyiq göstərməsi lazımdır. Qurumun 1416 saylı qətnaməsi niyə icra olunmur? AŞPA Ermənnistandan bu qərarların həyata keçirilməsini tələb etməlidir. Əgər qərarlar icra olunmursa, təzyiq göstərməlidir. AŞPA nə üçün Azərbaycan torpaqlarının 20 faizini 25 ildir işğal altında saxlayan, qurumun işğal edilmiş torpaqlarımızdan çəkilməsinə dair qətnamələrinə əməl etməyən Ermənistanın Assambleyadakı nümayəndə heyətinin "səs vermə hüququnun alınması" ilə bağlı məsələni müzakirə edib, qərar qəbul etmir? 25 ildir öz evlərinə dönə bilməyən 1 milyon azərbaycanlı qaçqın və məcburi köçkün sizdən aldığınız qərarların, qəbul etdiyiniz qətnamələrin həyata keçirilməsi üçün Ermənistana təzyiq göstərmənizi gözləyir və bu istiqamətdə qısa zamanda ciddi addımlar atmağa çağırır".

Qeyd edək ki, 2014-cü ilin iyul ayında Rusiya vətəndaşı D.Əsgərov və Azərbaycan vətəndaşı Ş.Quliyev Kəlbəcərdə öz ata-baba yurdlarını ziyarət etmək istəyərkən Ermənistan əsgərləri tərəfindən girov götürülüblər, onlarla birlikdə olan Azərbaycan vətəndaşı Həsən Həsənov isə güllələnərək öldürülüb.

İşğal altındakı Dağlıq Qarabağda D.Əsgərov və Ş.Quliyev üzərində qanunsuz "məhkəmə" qurulub. "Məhkəmə"nin qərarı ilə D.Əsgərov ömürlük, Ş Quliyev isə 22 il müddətinə azadlıqdan məhrum edilib.

Milli.Az

Digər maraqlı xəbərlər Milli.Az-ın Facebook səhifəsində

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

1 Şərh:

  • Anonim
    bakili · 30 İyun 16:4231

    By dilqem ile wahbaz muellim niye axi bile-bile ozlerini mehv etdilerki ??? Bele pis çixmasine bunlarin etdikleri hereket uwaq hereketleri idi hec yawlarina bawlarina yarawan hereket deyildi. Özleri oz ayaqlari ile getdiler duwmen çeperineki salam meleykim biz gelmiwik tutun salin zindana bizi. Adamda oz ayaga ile duwmenin ayagina geder ? Bawa duwureme ana-ata qebri ziyareti falan ama day bu qederde yoxda onlar ozleri cox gozel bilirdilerki tutulacaqlar cunki ermeni bizim millet kimi ureyi yumwaq qonaqperver deyil. Onlar demeyecekdilerki ay xow gelmisiz dilqem muellim wahbaz muellim kecin yuxari bawda eylewin. Bde indide qara zindanda bow yere eziyyet cekirler ailelerinden uwaqlarindan ezizlerinden didergin duwubler. Meyer deyerdimi buna ? Mence yox.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.