Siyasət

Azərbaycanlı deputatlar Süleyman Dəmirəli andılar - FOTO

17 İyun 2017 21:58
0 Şərh     Baxış: 1 367

Türkiyə Respublikasının 9-cu Prezidenti Süleyman Dəmirəlin vəfatının ikinci ildönümü ilə əlaqədar anım mərasimi təşkil olunub.

Milli.Az AZƏRTAC-a istinadən bildirir ki, görkəmli siyasi və dövlət xadiminin doğulduğu İsparta şəhərində yerləşən Süleyman Dəmirəl Universitetində keçirilən tədbirdə Azərbaycanı Milli Məclisin komitə sədri, Azərbaycan-Türkiyə parlamentlərarası əlaqələr üzrə işçi qrupunun rəhbəri Əhliman Əmiraslanov və deputat Şəmsəddin Hacıyev təmsil ediblər.

Əvvəlcə Türkiyənin dövlət himi səsləndirilib.

Süleyman Dəmirəlin xatirəsi bir dəqiqəlik sükutla yad olunub, ruhuna dualar oxunub.

Anım mərasimində professorlar Tanju Tosun, Gülsün Ərdoğan Tosun, Lütfi Çakmakçı və başqaları S.Dəmirəlin həyat və fəaliyyətindən, tarixi siyasi missiyasından, böyük quruculuq işlərindən, yüksək insani keyfiyyətlərindən danışıblar.

Əhliman Əmiraslanov Azərbaycan-Türkiyə münasibətlərinin inkişafında S.Dəmirəlin xidmətlərindən, onun ulu öndər Heydər Əliyevlə səmimi dostluq münasibətlərinin xalqlarımız və ölkələrimiz arasındakı inkişafa təsirindən danışıb.

Sonra anım mərasimi S.Dəmirəlin məzarı üstündə və onun adını daşıyan muzeydə davam etdirilib.

Milli.Az

Digər maraqlı xəbərlər Milli.Az-ın Facebook səhifəsində

Məqaləyə dair fotomateriallar:

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.