Siyasət

"Gürcüstan-Azərbaycan münasibətlərinə xələl gətirməyə heç kimin haqqı yoxdur"

6 İyun 2017 09:13
Baxış: 1 718

Əfqan Muxtarlının həbsi ilə bağlı əsassız məlumatlar yaymaqla Gürcüstan-Azərbaycan münasibətlərinə xələl gətirməyə heç kimin haqqı yoxdur.

Milli.Az xəbər verir ki, bunu Trend-ə açıqlamasında Gürcüstan Parlamentinin deputatı Mahir Dərziyev bildirib.

Onun sözlərinə görə, bu məsələdə Bakı-Tbilisi dostluğu ilə yanaşı, həm də Gürcüstanın imici də vacibdir: "Azərbaycanda və Gürcüstanda olan bəzi müxalif qüvvələr hələ istintaq başa çatmamış əsassız bəyanatlar verir, iki ölkə arasındakı münasibətlərə və Gürcüstan dövlətinin imicinə xələl gətirməyə çalışır: "Gürcüstan bu məsələyə çox ciddi yanaşır. Gürcüstan dövləti bu ölkədə yaşayan azərbaycanlıların bütün problemlərinə həssas yanaşır. Ona görə də heç kimin bu məsələni şişirtməyə, iki ölkə arasında dostluğa xələl gətirməyə və Gürcüstanın imici haqqında mənfi rəy formalaşdırmağa haqqı yoxdur. Bu gün həm Azərbaycanla Gürcüstan dostluğuna, həm də Gürcüstan dövlətinin son vaxtlarda əldə etdiyi uğurlara kölgə salmaq istəyən qüvvələr var. Onlar Azərbaycanla Gürcüstan arasındakı dostluğa ləkə salmaq istəyir".

M.Dərziyev bildirib ki, bu addımlar məqsədyönlü şəkildə atılır: "Heç bir qüvvə bu məsələ ilə bağlı araşdırılmamış, əsaslandırılmamış bəyanatlar verə bilməz. İstintaq başa çatandan sonra hadisənin səbəbi tam bəlli olacaq".

Milli.Az

Digər maraqlı xəbərlər Milli.Az-ın Facebook səhifəsində

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.