Siyasət

“Azərbaycan və Ermənistan, demək olar ki, razılığa gəliblər” - Levon Ter-Petrosyan

21 Mart 2017 10:56

5 Şərh Baxış: 5 443

#DÜNYADA #DAĞLIQ QARABAĞ #ERMƏNİSTAN

"Kim deyir ki, Qarabağ məsələsi həll olunmur? Birbaşa danışıqlar elə onun üçündür ki, tərəflər onları özləri üçün daha sərfəli etməyə çalışırlar - Ermənistan bunun üçün mübarizə aparır, Azərbaycan da, təbii ki, mübarizə aparır. Lakin əvvəlcə fikir ayrılıqları xeyli çox idi, indi isə onların sayı bir-iki məsələ ilə məhdudlaşır", - bunu İctimai televiziyanın efirindəki "Orakargits durs" (Gündəlikdən kənar) verilişində Ermənistanın birinci prezidenti, EMK-nin lideri Levon Ter-Petrosyan deyib.

Milli.Az virtualaz.org-a istinadən bildirir ki, güzəştlərdən danışarkən Levon Ter-Petrosyan qeyd edib ki, əgər Azərbaycan güzəştlərə hazır olmasaydı, ümumiyyətlə, Minsk qrupunun işində iştirak etməzdi.

"Hər iki tərəf güzəştlərə razıdır, lakin hər iki tərəf özü üçün maksimal dərəcədə sərfəli şərtlər əldə etməyə çalışır. Bu təbii prosesdir. Son nəhayətdə, elə bir an çatır ki, tərəflər ya hə deyir, ya yox", - o bildirib.

Milli.Az

Digər maraqlı xəbərlər Milli.Az-ın Facebook səhifəsində