Siyasət

Çexiya parlamentinin vitse-spikeri və sənaye naziri Bakıya gələcəklər

2 Dekabr 2016 12:10
Baxış: 445

Çexiya parlamentinin vitse-spikeri Voytex Filip Bakıya gələcək.

Milli.Az xəbər verir ki, Çexiyanın Azərbaycandakı səfiri Vitezslav Pivonka Trend-ə bildirib ki, o, GUAM Parlament Assambleyasının işində iştirak edəcək.

Diplomatın sözlərinə görə, səfər 14-16 dekabr tarixlərində baş tutacaq.

V.Pivonka qeyd edib ki, fevralın əvvəlində Bakıda hökumətlərarası komissiyanın növbəti iclası keçiriləcək. Bununla əlaqədar Çexiyanın sənaye və ticarət naziri Yan Mladek Azərbaycana səfər edəcək:

"Biz Azərbaycan və Çexiya Energetika nazirlikləri arasında əməkdaşlıq haqqında memorandum hazırlamışıq. Yekun sənəd hazırdır. Gələn ilin əvvəlində iki ölkənin energetika nazirləri tərəfindən bu sənədin imzalanacağı gözlənilir".

Milli.Az

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.