Siyasət

Ərdoğan böyük dəyişikliklər edəcək - Onlar göndərilir

14 Avqust 2026 15:34

Baxış: 414

#TÜRKİYƏ #RƏCƏB TAYYİB ƏRDOĞAN

Türkiyə Prezidenti Rəcəb Tayyib Ərdoğan rəhbərlik etdiyi Nazirlər Kabinetində böyük dəyişikliklərə hazırlaşır.

Milli.Az axar.az-a istinadən bildirir ki, bu barədə Türkiyənin "Pəncərə" qəzeti məlumat yayıb.

Məlumata görə, sənaye və texnologiya naziri Mehmet Fateh Kacır vəzifəsindən azad ediləcək. Buna səbəb Çin avtomobil istehsalçısı BYD-nin Manisa əyalətində 1 milyard dollarlıq elektrik və hibrid avtomobil zavodu layihəsinin dayandırılmasıdır. Bu hadisə Türkiyə ilə marka arasında böyük böhrana səbəb olmuşdu. Kacırı bu postda Müdafiə Sənayesi Departamentinin rəhbəri Haluk Görgün əvəz edəcək.

"Türkiyənin hazırkı ətraf mühit naziri Murad Kurumun Nəqliyyat və İnfrastruktur Nazirliyinə rəhbərlik etmək üçün hazırkı nazir Abdulqadir Uraloğlunu əvəz edəcəyi gözlənilir. Bu dəyişiklik İstanbul kanalı layihəsinin həyata keçirilməsi ilə bağlı vəziyyətlə əlaqədardır", - nəşr qeyd edib.

Bundan başqa, ticarət naziri Ömər Bolat və gənclər və idman naziri Osman Aşkın Bakın da istefaya göndəriləcəyi bildirilib.

Müəllif: Tural Hüseyn (Milli.Az redaktor)