Siyasət

Misir-Azərbaycan Dostluq Cəmiyyəti İdarə Heyətinin üzvləri İlham Əliyevi təbrik edib

28 May 2025 14:06

Baxış: 319

Misir-Azərbaycan Dostluq Cəmiyyəti İdarə Heyətinin üzvləri Azərbaycan Prezidenti İlham Əliyevə təbrik məktubu göndərib.

Milli.Az xəbər verir ki, məktubda deyilir:

"Möhtərəm cənab Prezident.

28 May - Müstəqillik Günü münasibətilə Zati-alinizə ən səmimi təbriklərimizi çatdırmaqdan, Sizə möhkəm cansağlığı arzulamaqdan böyük məmnunluq duyuruq. Doğma Azərbaycan Respublikasına və onun xalqına Allah-Taaladan daha böyük tərəqqi və firavanlıq diləyirik.

Misir-Azərbaycan Dostluq Cəmiyyəti Misir və Azərbaycan xalqları arasında müxtəlif sahələrdə əlaqələrin möhkəmləndirilməsi və əməkdaşlığın dərinləşdirilməsi üçün maksimum səy göstərir.

Qoy doğma Azərbaycan Respublikası Sizin müdrik və uzaqgörən rəhbərliyinizlə daim inkişaf etsin və daha da firavanlaşsın!

Cənab Prezident, ən xoş arzularımızı və yüksək ehtiramımızı qəbul etməyinizi xahiş edirik".

Milli.Az