Siyasət

“O gənclərin həyatını qaraldan sizsiniz”

9 Aprel 2025 15:10
Baxış: 894
#TÜRKİYƏ #ƏRDOĞAN

Prezident Rəcəb Tayyib Ərdoğan partiyasının TBMM-də keçirilən iclasında CHP rəhbərliyini sərt tənqid edərək onların çağırışlarının xalq tərəfindən rədd edildiyini bildirib.

Milli.Az Türkiyə mətbuatına istinadla xəbər verir ki, Ərdoğan deyib ki, xalq öz dövlətinə və millətinə qarşı çıxan, səriştəsiz və iddialı şəxslərin boykot çağırışlarına məhəl qoymadı. Onun sözlərinə görə, boykot çağırışları edənlər əksinə, xalqdan boykot gördülər. "Ssenarini yazan da, mafiyaya oxşar nizam quran da, şikayət edən də, prokurorların qapısında növbəyə duran da onlardır, amma sonda hər şeydən qurtulan da yenə onlardır," - deyə Ərdoğan bildirib. O əlavə edib ki, CHP-nin daxili qarşıdurmaları xalqı maraqlandırmır və yaşananların səbəbi partiya rəhbərliyinin təkəbbürü və öz aralarındakı hakimiyyət savaşlarıdır.

Ərdoğan bildirib ki, gəncləri polisə qarşı çıxaran və onların həyatı ilə oynayan da CHP-dir. Onun fikrincə partiya bu gənclərin qanı üzərindən siyasi qazanc əldə etməyə çalışıb: "Bu ölkənin gənclərini qurban verdiniz, sonra isə başqalarını günahlandırdınız. Həm onların adını istismar etdiniz, həm də öz məqsədləriniz üçün istifadə etdiniz. Buna daha imkan verməyəcəyik", - Ərdoğan deyib.

O, CHP-nin çağırışlarının ictimaiyyət tərəfindən rədd edildiyini, partiyanın dəstək gözlədiyi xarici dairələrin də artıq onlardan uzaqlaşdığını qeyd edib. Ərdoğan çıxışının davamında CHP-ni "çevriliş ruhlu" partiya adlandırıb və keçmiş rəhbərləri İsmet İnönünü tənqid edərək onun və partiyanın tarixi boyunca həm korrupsiya, həm də hərbi çevrilişlərlə anıldığını bildirib. "CHP təkcə korrupsiyanın deyil, çevrilişin də kitabını yazıb," - deyə o vurğulayıb.

İslam
Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.