Siyasət

Rusiyanın Baxmut və Siverski ələ keçirməsi mümkün görünmür

5 İyul 2022 08:07
0 Şərh     Baxış: 397

Rusiya qoşunları Baxmut və Siverskə hücuma hazırlaşır, lakin Lisiçansk uğrunda döyüşlərdən sonra işğalçı ordunun tükənmiş hissələri çətin ki uğur qazana bilsin.

Bu barədə Müharibə Araşdırmaları İnstitutunun (MAİ) gündəlik təhlil məlumatında qeyd olunub.

Bildirilib ki, Rusiya qüvvələri, çox güman ki, Baxmut və Siverskə çatmaq üçün Baxmut-Lisiçansk magistral yolunun qərbinə doğru irəliləməyə davam edəcək. Bununla belə, qeyd olunub ki, onların Lisiçanskı ələ keçirmək cəhdi zamanı verilən itkilərdən sonra bunu uğurla edə bilmələri şübhə doğurur.

İnstitutun məlumatına görə, Ukrayna Silahlı Qüvvələri işğal olunmuş ərazilərin dərinliklərində ABŞ-ın təmin etdiyi "HIMARS" ilə Rusiyanın hərbi infrastrukturuna getdikcə daha çox hücum edir.

Vurğulanıb ki, "HIMARS" Qərbin hərbi yardımının Ukraynaya yeni və çox ehtiyac duyulan hərbi imkanları necə yaratdığının bariz nümunəsidir.

Milli.Az

 

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics