Məşhur yapon rejissoru Akira Kurosavanın 1985-ci ildə çəkdiyi "Ran" filmi ilə "Oskar" mükafatı qazanan tanınmış dizayner Emi Vada dünyasını dəyişib.
Milli.Az axar.az-a istinadla xəbər verir ki, 84 yaşında dünyasını dəyişən məşhur geyim dizaynerinin ölüm səbəbi açıqlanmayıb.
Yaponiya mətbuatının məlumatına görə, noyabrın 13-də dünyasını dəyişən Vadanın dəfn mərasimi ailəsi və yaxın dostlarının iştirakı ilə keçirilib.
Karyerası boyu bir çox prodakşn dizayn edən Vada 2020-ci ildə Venesiya Beynəlxalq Film Festivalında premyerası olan Ann Huinin "Məhəbbətdən sonra sevgi" filminin kostyum dizaynlarını da öz üzərinə götürmüşdü.
Milli.Az