Gimnastımız gümüş medal qazandı - FOTOlar

21 Noyabr 2021 15:22

Azərbaycan gimnastı Mixail Malkin Bakıda keçirilən Batut Gimnastikası və Tamblinq üzrə 35-ci Dünya Çempionatının tamblinq üzrə proqramında 76.300 xalla gümüş medal qazanıb.

Milli.Az Trend-ə istinadən xəbər verir ki, birinci yerdə Rusiya təmsilçisi Aleksand Lisitsin (80.000 xal), üçüncü yerdə isə ABŞ təmsilçisi Kaden Braun (75.400 xal) qərarlaşıb.

Qeyd edək ki, Bakıda Batut Gimnastikası və Tamblinq üzrə 35-ci Dünya Çempionatı noyabrın 18-dən 21-dək keçirilir. Yarışda 33 ölkədən 300-dək gimnast iştirak edir.

Milli.Az