Göyçay rayonunda ölümlə nəticələnən yol-nəqliyyat hadisəsi baş verib.
Milli.Az APA-ya istinadən xəbər verir ki, hadisə bu gün saat 17:30 radələrində Göyçay-Ucar avtomobil yolunun Xəlitli kəndi ərazisindən keçən hissəsində qeydə alınıb.
"VAZ-2107", "VAZ-2106" və "Mercedes Ateco" markalı avtomobillərin toqquşması nəticəsində bir nəfər ölüb, bir nəfər xəsarət alıb.
Faktla bağlı Göyçay rayon Polis Şöbəsi tərəfindən araşdırma aparılır.
Hadisə zamanı 50-DS-952 dövlət nömrə nişanlı "VAZ 2107" markalı minik avtomobilinin sürücüsü, Göyçay rayonu Yeniarx kənd sakini, 1994-cü il təvəllüdlü Qarayev Nağı Bəhruz oğlu aldığı ağır xəsarətlər səbəbindən dünyasını dəyişib.
Milli.Az