Rusiyanın ən məşhur tok-şoularından biri olan "Modnıy Priqovor" verilişinin növbəti buraxılışı azərbaycanlı dizayner Rüfət İsmayılın "Sumax" adlı kolleksiyasının nümayişi ilə başlayıb.
Milli.Az Olay-a istinadən xəbər verir ki, proqramın aparıcısı Aleksandr Vasilyev "Gəlin Parisdə və Azərbaycanda moda həftəsinə gedək",- deyə bildirib.
Dizaynerin kolleksiyasının təqdimatında baş model Günay Musayeva olub.
Qeyd edək ki, "Sumax" kolleksiyasında R. İsmayıl Azərbaycan xalçalarından, o cümlədən Qarabağdan ilhamlanıb. Kolleksiya ilk dəfə 2021-ci ilin oktyabr ayının əvvəlində Parisdə Moda Həftəsi çərçivəsində təqdim olunub.
Milli.Az