F-35 qırıcıları ağır və yöndəmsiz olmaqla yanaşı, xərcləri də çoxdur.
Milli.Az Axar.az-a istinadən xəbər verir ki, bunu Türkiyənin ehtiyatda olan general-mayoru Güray Alpar deyib.
O bildirib ki, F-16-nın qiyməti 30 milyon dollar olduğu halda, F-35 isə 80-90 milyon dollardır:
"Hətta, F-35-in şaquli uçuş və eniş modelləri belə F-16 qırıcılarından 4 dəfə bahadır. Bununla yanaşı, F-35-lərin ağır və yöndəmsiz olması hava-hava missiyalarında da mənfi təsirini göstərə bilər. Bu səbəblə ABŞ əməliyyatlarda F-35-in yanında F-15-də göndərir. F-15-ləri ona görə kömək qüvvə kimi göndərirlər ki, daha praktiki olan bu təyyarə hava tapşırıqlarında effektiv nəticə göstərə bilir".
Milli.Az