"Təcrübəli futbolçulardan narazı qaldım"

25 Fevral 2012 12:23

Bu gün Birləşmiş Ərəb Əmirliklərinin Dubay şəhərində keçirilmiş Azərbaycan - Sinqapur yoxlama oyunundan sonra millimizin baş məşqçisi Berti Foqts matçın heç-heçə (2:2) bitməsinin səbəbləri haqda danışıb.

Qol.Az-ın AFFA-nın saytına istinadən yaydığı məlumata görə, o deyib ki, qalib gəlməyə yaxın olsalar da, sonradan buraxdıqları iki qol buna imkan verməyib.

"Əlbəttə, istəməzdik ki, uzatma dəqiqəsində qol buraxıb, qələbəni qaçıraq. Bunun üzərində işləməyimiz lazımdır. Daha çox təcrübəli futbolçulardan narazı qaldım. Gənc futbolçulardan isə razıyam", - deyə o bildirib.

Milli.Az