Dünyaca məşhur aktyor Morqan Frimən məşhur simaların və film obrazlarının rəqəmsal portretini çəkən türk sənətçi Mohac Yücelin əl işini paylaşıb.
Milli.Az olay-a istinadən xəbər verir ki, o, Yücelin çəkdiyi rəsmini instaqram hesabında paylaşıb və rəssama təşəkkür edib.
Aktyorun bu addımından sonra Yücel sözügedən sənət əsərini satışa çıxarıb.
O, əldə olunan gəlirin yarısının meşələrin təzələnməsi üçün Tema vəqfinə bağışlayacağını açıqlayıb.
Qeyd edək ki, M.Yücel bu gün qədər bir çox sənətçinin, idmançının və məşhur simaların rəsmini çəkib.
Milli.Az