Cəlilabad rayonunda ağır yol-nəqliyyat hadisəsi baş verib.
Milli.Az "qafqazinfo"-ya istinadən xəbər verir ki, hadisə rayonun Uzuntəpə kəndi ərazisində qeydə alınıb.
Şahidlərin sözlərinə görə, hərəkətdə olan iki minik avtomobilinin toqquşmasına VAZ 2107-in qəfildən VAZ 21010-un yoluna çıxması səbəb olub.
Qəza nəticəsində müxtəlif dərəcəli bədən xəsarətləri alan beş nəfər Cəlilabad Rayon Mərkəzi Xəstəxanasına çatdırılıb.
Faktla bağlı araşdırma aparılır.
Milli.Az