Rusiyanın Qarabağda müvəqqəti yerləşdirilmiş sülhməramlı kontingenti 27 müşahidə məntəqəsinin hamısında eyni vaxtda kompleks təlim-məşq keçirib.
Milli.Az bildirir ki, Rusiya Müdafiə Nazirliyinin təlimlə bağlı yaydığı rəsmi açıqlamasında deyilir: "Hərbçilər mümkün pozuntuların, təxribat səciyyəli hərəkətlərin və hücumların qarşısının alınmasını məşq ediblər. ZTR-lərdəki növbətçi hissələrdən də istifadə olunub".
Qarabağdakı rusiyalı sülhməramlıların komandanlığının nümayəndəsi Aleksandr Draqun isə söyləyib ki, belə məşqlər mütəmadi olaraq, gecə və gündüz keçirilir: "Yerli sakinlər təlimlərə etimadla yanaşırlar. Təşkilati işlər zamanı problemlər və suallar yaranmır".
Milli.Az