Xalq artisti Ramiz Əzizbəylinin dünyasını dəyişməsindən 4 ay ötür.
Milli.Az axşam.az-a istinadən xəbər verir ki, aktyorun məzar daşı hələ də qoyulmayıb.
Mərhum Xalq artistinin qızı Xədicə Əzizbəyli məsələ ilə bağlı Axşam.az-ın sualını cavablandırıb. O bildirib ki, yaxın günlərdə məzar daşı sifariş edəcəklər:
"Qəbir daşını öz vəsaitimizlə düzəltdirəcəyik. Forma üzərində qərar verib sifariş edəcəyik. İnşallah, yaxın günlərdə məzar daşı qoyular".
Qeyd edək ki, R.Əzizbəyli koronavirus infeksiyasına yoluxmuşdu. Aktyor iyunun 9-da yerləşdirildiyi xəstəxanada vəfat edib.
Milli.Az