Azərbaycanla Türkiyənin Gənclər və İdman nazirlikləri işçi qrup yaradacaq

25 Sentyabr 2021 20:22

"Azərbaycan pavilyonu ilə tanış olduq. Bilirsiniz ki, burada 11 startap layihəsi ilə təmsil olunuruq, azərbaycanlı tələbələrin burada iştirakı qürurvericidir. Sevindirici haldır ki, builki "Teknofest" festivalında təşkil olunan Azərbaycan pavilyonu olduqca populyardır".

Milli.Az "Report"a istinadən bildirir ki, bu fikirləri Gənclər və İdman naziri Fərid Qayıbov deyib.

Fərid Qayıb qeyd edib ki, Türkiyəyə nazir kimi ilk rəsmi səfəri uğurlu olub: "Burada qardaş ölkənin gənclər və idman naziri ilə görüşlərimiz oldu. Artıq birgə əməkdaşlığın gücləndirilməsinə dair memorandum imzalamışıq. Sadəcə birgə işçi qrupu yaratmaq barədə danışıqlar aparmışıq və işçi qrup təşkil edilən zaman açıqlama verəcəyik", - nazir əlavə edib.

Milli.Az