"Mançester Yunayted"in qapıçısı David de Xea uğursuz seriyaya son qoyub.
Milli.Az apasport.az-a istinadən bildirir ki, ispaniyalı qolkiper uzun fasilədən sonra çempionat matçında penalti dəf edib.
Bu, "Vest Hem"lə V turun qarşılaşmasına təsadüf edib. De Xea sonuncu dəfə 2014-cü ilin oktyabrında penalti qaytara bilmişdi. 7 illik həsrətə son qoyan qapıçı bu müddətdə 21 zərbə qarşısında aciz qalıb.
Qeyd edək ki, mançesterlilər Londondakı qarşılaşmada 2:1 hesablı əzmkar qələbə qazanıb.
Milli.Az