Birinci vitse-prezident Mehriban Əliyeva Bilik Günü münasibətilə məktəblilər və tələbələri təbrik edib - FOTO

15 Sentyabr 2021 13:55

Birinci vitse-prezident Mehriban Əliyeva rəsmi "Instagram" hesabında 15 sentyabr Bilik Günü münasibətilə paylaşım edib.

Milli.Az Trend-ə istinadən bildirir ki, paylaşımda deyilir:

"Əziz məktəblilər və tələbələr!

Sizi Bilik Günü münasibətilə səmimi-qəlbdən təbrik edirəm. Qoy yeni tədris ili parlaq, yaddaqalan, səmərəli olsun və sizə çoxlu bilik, uğur və nailiyyətlər gətirsin! Sizin zəruri bilik və vərdişlər qazanmağınıza, istedad və qabiliyyətinizi inkişaf etdirməyinizə kömək göstərən bütün müəllimlərə təşəkkürümü bildirirəm! Hər birinizə möhkəm cansağlığı, gümrahlıq, tükənməz enerji, əzmkarlıq, gözəl əhval-ruhiyyə və əla qiymətlər arzulayıram!"

Milli.Az