İnsan öz ağlının dəyərini bilməlidir

19 Sentyabr 2021 23:01

Həzrət Peyğəmbər (s) buyurur: "Allah Təala bəndələri arasında ağıldan daha dəyərli bir şey paylamamışdır. Allah ruzini bəndələri arasında bölmüşdür: hava, su, ömür, ləzzətlər... Hamısı Allahın malıdır. Bu qədər müxtəlif və rəngarəng nemətlər içərisində heç bir nemət ağıl kimi dəyərli bölünməmişdir. Allah Təala tarix boyu heç bir peyğəmbəri bəşərə göndərməmişdir, məgər bu hədəflə ki, insanların arasında ağlı kamil etsinlər".

İmam Əlinin (ə) "Nəhcul-bəlağə"də təqdim edilən xütbəsində buyurulur: "Sübhan Allah Adəm övladları içərisindən peyğəmbərlər seçdi və vəhy, əmanətdarlıq və risaləti elan etmək üçün onlarla peyman bağlamışdı. O zaman ki, insanların əksəri Allahın əhdini batil işlərə çevirdilər və Onun haqqına cahil oldular, Ona bütlərdən şəriklər qoşdular, şeytanlar onları Allahı tanıtmaqdan saxladı, onların bəndələrik rabitələrini Haqdan kəsdilər, Allah rəsullarını seçdi. Peyğəmbərlərini onlara tərəf göndərdi ki, insanlardan İlahi əhdlərinə əda etmələrini istəsinlər. Yaddan çıxmış nemətlərini yadlarına salsınlar, onlara hüccətlərini tamamlasınlar. Ağıllarının gizli qüvvələrini canlandırıb, İlahi nişanələri onlara nümayiş etdirsinlər. Başlarının üzərinə asılmış bu hündür səmanı və ayaqlarının altında beşik etdiyi yeri, onları ölümün əlinə verən əcəlləri, onları qocaldan xoşagəlməz hadisələri, onlara bir-birinin ardınca hücum edən hadisələri xəbər versinlər. Sübhan Allah bəndələrini peyğəmbərsiz, kitabsız, lazımlı hüccətsiz, düz yolu nişan vermədən boş buraxmamışdır. Peyğəmbərlərin sayının az olmasına baxmayaraq, inkar edənləri çox olmuşdur, lakin onları təbliğdən saxlamamışdır. Keçmiş peyğəmbərlər gələcək peyğəmbərlərdən xəbər vermişdilər".

İnsan ağlının köməyi ilə nəyin düz və nəyin yanlış olduğunu dərk edər. İslam buyurur ki, sizin iki peyğəmbəriniz vardır ki, biri zahiridir və biri də daxili. Bizim zahiri peyğəmbərimiz Həzrət Muhəmməddir (s). Daxili peyğəmbərimiz isə ağlımızdır. Ağıl bizə hansı dində olmağımızı, hansı əməllərin düz və hansılarının yanlış olduğunu söyləyir.

İmam Əli (ə) ağlı, insan şəxsiyyətinin və şərafətinin mənbəyi, insanın zinət və zivəri, bütün yaxşılıqların kökü, insan səadətinin amili, bütün işlərin silahı, ruhun həyatı, ədəb və dindarlığın mənbəyi kimi tanıtmışdır.

Əgər insan ağlından istifadə edərsə, həm dünya və həm də axirət saədətinə çatar. Lakin əgər qafillər kimi ondan faydalanmazsa, insanlığının həqiqətini əldən vermiş olar.

Milli.Az