Rusiyanın Moskva vilayətinin Noqinsk şəhərində yaşayış binasında qaz sızması zamanı baş vermiş partlayış nəticəsində ölənlərin sayı 5-ə çatıb.
Bu barədə TASS-a Fövqəladə Hallar Nazirliyinin Moskva vilayəti Baş İdarəsindən məlumat verilib.
"Həyatını itirən beşinci şəxsin cəsədi dağıntılar altından çıxarılıb", - deyə mənbə bildirib.
Məlumata görə, cəsədi tapılan uşaqdır, hazırda iki nəfərin taleyi naməlum olaraq qalır.
Hazırda axtarış-xilasetmə işləri davam edir. Son məlumata görə, hadisə nəticəsində ikisi uşaq olmaqla, 15 nəfər xəsarət alıb. Altı yaralı xəstəxanaya yerləşdirilib.
Milli.Az