"Qarabağ"ın futbolçusu Ovusu Kvabenanın Türkiyənin "Ankaragücü" klubuna keçidi rəsmiləşib.
Milli.Az qol.az-a istinadən xəbər verir ki, Ankara təmsilçisi Kvabena da daxil olmaqla heyətinə cəlb etdiyi 20 oyunçunu təqdim edib. Qanalı yarımmüdafiəçi paytaxt klubunda icarə əsasında çıxış edəcək. Onun sözləşməsi 1 illikdir.
Ötən mövsümün sonunda Superliqanı tərk edən "Ankaragücü" 2021/22 mövsümündən 1-ci liqada mübarizə aparacaq.
Qeyd edək ki, "Qarabağ" 24 yaşlı futbolçunu 2019-cu ildə İspaniyanın "Kordobo" klubundan transfer edib.
Milli.Az