Braziliyanın Minas Gerais əyalətində on beş yaşlı qızın evdə pirsinq etməsi həyatı hesabına başa gəlib.
Milli.Az mk.ru-ya istinadən xəbər verir ki, bədənindəki infeksiyaya görə ürək tutması nəticəsində ölüb. Daily Star qəzetinin yazdığına görə, İzabela Eduarda de Sousa anasından pirsinq üçün icazə istəsə də, imtina cavabı alıb. Ölən yeniyetmənin xalası bütün ailənin onun fikrinə qarşı olduğunu söyləyib, ancaq İzabela deşilmə qərarını verib.
Dostundan evdə qaşını deşməkdə kömək etməsini də istəyib. Prosedur zamanı bədəninə infeksiya düşüb və pirsinqdən üç gün sonra üzü şişib. Qız xəstəxanaya yerləşdirilsə də, onu xilas etmək mümkün olmayıb. Həkimlər deyib ki, İzabela sağ qalsaydı, pirsinq səbəbiylə görmə qabiliyyətini itirə bilərdi.
Kamran Seyidov
Milli.Az