AVRO-2020-nin qalibi olan İtaliya millisi ölkəsinə qayıdıb.
Milli.Az xəbər verir ki, futbolçuları hava limanında böyük coşqu ilə qarşılayıblar.
İtaliya millisinin qapıçısı Canluici Donnarumma əlində AVRO-2020 kuboku ilə təyyarədən enrkən azarkeşlər onu alqışlara qərq ediblər.
Pandemiya ilə bağlı hava limanına məhdud sayda insan buraxılıb. İtaliyalılar milli yığmanın oyunçuları ilə fotolar çəkdiriblər.
Qeyd edək ki, AVRO-2020-nin final matçında İtaliya və İngiltərə milliləri üz-üzə gəlib.
Matçın əsas vaxtı 1:1 hesabı ilə başa çatdığı üçün əlavə vaxta ehtiyac duyulub. Burada da hesab dəyişmədiyinə görə qalib penaltilər seriyasında müəyyənləşib.
Penaltilər seriyasında 3:2 hesabı ilə qalib gələn İtaliya turnirin qalibi olub və tarixində ikinci dəfə (ilk dəfə Avro-1968) Avropa çempionatını qazanıb.
Milli.Az