Sabirabadda avtomobil 59 yaşlı kişini vuraraq öldürüb.
Milli.Az APA-ya istinadən bildirir ki, hadisə gecə radələrində şəhərin H.Əliyev prospektində qeydə alınıb.
Sabirabad rayonunun Kürkənd kənd sakini, 1991-ci il təvəllüdlü Sadıqlı Kamran Asif oğlu idarə etdiyi "Hyundai" markalı "99 FF 519" dövlət nömrə nişanlı avtomobillə yolu keçən Sabirabad sakini, 1962-ci il təvəllüdlü Əsgərov Gülxan Balaxan oğlunu vurub. Sonuncu aldığı xəsarətlərdən xəstəxanaya çatdırılarkən yolda keçinib.
Faktla bağlı Sabirabad polis şöbəsində araşdırma aparılır.
Milli.Az