Zaqatalada 67 yaşlı kişi bədbəxt hadisə nəticəsində ölüb.
Milli.Az APA-ya istinadən bildirir ki, hadisə ötən gün axşam saatlarında rayonun Faldar kəndində baş verib.
Hadisə zamanı 67 yaşlı F. Durmuşovun başı tövlədə olan dəmir konstruksiyaya dəyib. Ağır qapalı kəllə-beyin travması alan F. Durmuşov yaxınlarının köməkliyi ilə Zaqatala Rayon Mərkəzi Xəstəxanasına aparılıb.
Həkimlərin səyinə baxmayaraq, o, aldığı xəsarətlərdən xəstəxanada ölüb.
Faktla bağlı araşdırma aparılır.
Milli.Az