Rusiya millisinin futbolçusu Yuri Jirkov yığmanın düşərgəsini tərk edib.
Milli.Az qol.az-a istinadən xəbər verir ki, buna onun Avro-2020-nin qrup mərhələsinin ilk turunda Belçika ilə matçda (0:3) zədələnməsi səbəb olub. Zədənin ağırlığını nəzərə alaraq məşqçilər heyəti yarımmüdafiəçini millinin heyətindən çıxarmağa qərar verib. O, yaxın vaxtlarda Moskvadakı ixtisaslaşmış klinikalardan birində reabilitasiyaya başlayacaq.
Beləliklə, 37 yaşlı oyunçu Avro-2020-nin digər görüşlərində iştirak etməyəcək.
Milli.Az