Bütün kənd təsərrüfatı yarmarkaları fəaliyyətini bərpa edəcək - Nazir

10 İyun 2021 11:58

Azərbaycanda Kənd Təsərrüfatı Nazirliyi tərəfindən təşkil edilən və pandemiya şəraiti ilə əlaqədar dayandırılan bütün yarmarkalar fəaliyyətini bərpa edəcək.

Milli.Az Trend-ə istinadən bildirir ki, bunu Kənd Təsərrüfatı naziri İnam Kərimov deyib.

O bildirib ki, artıq pandemiya ilə bağlı vəziyyət yaxşılaşdıqca bu tədbirlərin də keçirilməsinə başlanacaq: "Pandemiya ilə bağlı yumşalmalar başlanıb. Pandemiya şəraiti ilə bağlı məhdudiyyətlər artıq yumşalmalar olduqca məhdudiyyətlər daha az tətbiq edildiyi halda yarmarkalar da təhlükəsizlik tədbirlərinə riayət edilməklə təşkil ediləcək. Həm bal yarmarkaları, həm də kənd təsərrüfatının ənənəvi yarmarkaları da fəaliyyətini bərpa edəcək".

Milli.Az