Efiopiyalı idmançı Letesenberq Qidey Niderlandda keçirilən turnirdə 10 min metrə qaçış üzrə yeni dünya rekorduna imza atıb.
Trend-in "TASS"a istinadən verdiyi məlumata görə, 23 yaşlı L.Qidey 10 min metr məsafəni 29 dəqiqə 1,3 saniyəyə qət edib və iyunun 5-i Niderland idmançısı Sifan Hassanın təyin etdiyi rekordu qırıb.
Efiopiyalı idmançı qeyd edib ki, dünya rekorduna imza atmaq niyyətində idi: "Dünya rekorduna imza atacağıma ümid edirdim. Əlbəttə, növbəti dəfə rekordumu qırmağa çalışacağam".
Qeyd edək ki, Qideyin 23 yaşı var, o Dünya çempionatının gümüş medalçısıdır. Efiopiya idmançısının Dünya Kros Çempionatlarında beş qızıl və bir gümüş medalı var.
Milli.Az