Futbol üzrə Avropa Çempionatının başlanmasına qısa müddət qaldığı bir vaxtda İtaliya hökuməti "Şengen" bölgəsindən kənardakı dövlətlərdən ölkəyə girişi bağlayıb.
Milli.Az oxu.az-a istinadən bildirir ki, sözügedən qərar "Avro-2020" çərçivəsində baş tutacaq İtaliya-Türkiyə oyununa qardaş ölkə azarkeşlərinin buraxılması məsələsində problem yaradacaq. Belə ki, oyunda Türkiyə millisini yalnız Şengen bölgəsinə daxil olan ölkələrdən türkiyəli azarkeşlər dəstəkləyə biləcək.
Türkiyə mətbuatı bu qərarın İtaliya ilə Türkiyə arasında diplomatik gərginlik yarada biləcəyini qeyd edib.
Milli.Az