44 günlük Vətən müharibəsində tarix yazan qəhrəmanlardan biri də Rauf Babayev olub.
Milli.Az Xəzər TV-yə istinadən xəbər verir ki, Rauf Babayev 2001-ci ilin iyununda Xaçmaz şəhərində anadan olub.
Orta məktəbi bitirdikdən sonra, 2019-cu ildə Goronboyda yerləşən "N" saylı hərbi hissədə xidmətə başlayıb. Hərbi xidmətdə olarkən Vətən müharibəsi başlayıb və Rauf Babayev ilk günlərdən gərgin döyüşlərə qatılıb.
Rauf Goranboyun Tapqaraqoyunlu kəndində və Ağdərə istiqamətində gedən qızgın döyüşlərdə böyük şücaət göstərib. Düşmənin canlı qüvvəsinin məhv edilməsinə fəal iştirak edib. Ağdərə istiqamətində şəhid olan Rauf Babayevin nəşi ölümündən təxminən 2 ay sonra tapılaraq ötən il dekabrın 6-da torpağa tapşırılıb.
Qəhrəmanımız ölümündən sonra "Vətən uğrunda" medalı ilə təltif olunub.
Mövzu ilə bağlı daha ətraflı videomaterialı təqdim edirik:
Milli.Az