Sudanın Cənubi Darfur ştatında qəbilələr arasında toqquşmalar nəticəsində ən azı 36 nəfər ölüb, 32 nəfər yaralanıb.
Milli.Az Trend-ə istinadən bildirir ki, Cənubi Darfur qubernatoru Musa Mehdi deyib: "Cənubi Darfurun Mandava, Marmasa və Majanqari bölgələrində qəbilələr arasında yeni qarşıdrumalar başlayıb".
Bildirilir ki, 5-6 iyun tarixlərində falata və al-tayşa qəbilələri arasında genişmiqyaslı döyüşlər baş verib.
Xatirladaq ki, Sudanın Darfur ştatında 2003-cü ildən vətəndaş müharibəsi gedir. Cari ilin aprelində Qərbi Darfur ştatının mərkəzi olan Geneyndə baş verən qarşıdurma nəticəsində 137 nəfər öldürülüb, 221 nəfər yaralanıb.
Milli.Az