İranın Yerevandakı Səfirliyi İran ərazisində 160 erməni hərbçisinin olduğu barədə şayiələri təkzib edib.
Milli.Az qafqazinfo-ya istinadən xəbər verir ki, səfirliyin müvafiq bəyanatını "parstoday.com" saytı yayımlayıb.
Bəyanatda deyilir:
"İran İslam Respublikasının Ermənistan Respublikasındakı Səfirliyi bəzi erməni KİV-də 160 erməni əsgərin İranda olması, İran tərəfinin isə onların geri qaytarılması üçün şərt irəli sürməsi barədə yayılan şayiələri yalan və əsassız hesab edir".
Qeyd edək ki, bir sıra erməni KİV-i 160 erməni əsgərinin 44 günlük müharibə zamanı İran sərhədini keçdiyinə dair məlumatlar yayıb.
Milli.Az