Masallı rayonu ərazisində motosiklet minik avtomobili ilə toqquşub.
Milli.Az qafqazinfo-ya istinadən xəbər verir ki, qəza rayonun Xırmandalı kəndi ərazisində baş verib.
1958-ci il təvəllüdlü Hüseyn Əli oğlu Səfərovun idarə etdiyi motosikletlə "VAZ-2107" markalı minik avtomobili toqquşub.
Qəzada ağır kəllə-beyin travması alan H.Səfərov Lənkəran Rayon Mərkəzi Xəstəxanasına çatdırılsa da onun həyatını xilas etmək mümkün olmayıb.
Faktla bağlı araşdırma aparılır.
Milli.Az